عيد ميلادى يوم 30 يونيو و المكان هو ميدان التحرير عند كورنيش النيل و أمى ( تمرد) تعبت معايا ,اصلها بتحبنى أوى و عملتلى حاجات كتيرو دعاوى ياما و كلها خلصت مع أن عددهم كبيرو وزعت كل الدعاوى على كل أصحابى و أحبابى و ثوارى , قلتلها اعملى دعاوى تانى با امى عشان تكفى و أوعى يا امى ما تعزميش طنط تريز و وأولادها اصل أنا بحبهم كتير . ما انا اتربيت معاهم بقالى سنين و كل ثوارى فرحانين اصلهم من وقت طويل مستنيين عيد ميلادى, و قالتلى ان الميعاد من الصبح لغاية وقت لمااصحابك و ثوارك يقولة يلا و أحنا كدة مكتفيين و حتبقى فية اغانى كتير من سيد درويش لعبد الحليم أصل أنا متفقة مع أصحابى يغنولى بأسمى يا بلادى يا بلادى اصل أنا بحب االآغنية دية كتير و حيبقى فية أنوار و زينات و بلالين أصل احنا كبرنا و ما بقناش نحب الحاجات إللى بتفرقع ولا المبب الكبير و لا الرش بالمية ولا الناس المتنكريين و لا عايزين تجديدات على الكوبرى القديم
0 تعليقات:
إرسال تعليق