بعدك نار محوطانى

بقلمى/ سيد منيرعطيه

يلى حضنك نار بتحرقنى
وبعدك نار محوطانى
يلى هجرك فراق وموت وجدانى
لو يغيب الامل مرة
الاقى نفسى وخدانى
جوه حضنك ارتمى
ودموعى عنوانى
يلى قربك نعيم
وحياتى سفينه معديه
جوه نبضك حياتى
وعيونك مرسى ايامى
يلى بلمستك تتغير معانى
جوه بسمتك بكتب امانى
ياخدنى خوفى الكبير
جوه عيونك العسليه
اكتب بحبك فوق رمال
حاضنها موج عالى
لا بيتغير حبى
ولا موجك بيحلالى
جوه شط عيونك برسم لهفتى
تاخدنى فرحتى اسكن جفونك
الملم كل دمعه حزينه
خايفه لحظه فراق
ونار بعدك بتحلالى
خايف من موجك العالى
يحدفنى بعيد
لحظه غروب يمكن اضيع
يمكن تضيع لهفتى
يمكن تتغير معانى
خايف سراب الامل يرحل 
واتوه جوه منى
تتغير كل الخيوط
كل المراسى بتبتعد
حتى الشواطىء مش لاقيها
بعدت زى النهار
وقت الانتظار بتتغير مراسيها
لسه بجرى جوه منك
لسه حبى اقوى منك
لسه الفراق عايش جوه منى
لحظه لقاكى هى عمرى
يلى سرقتى حياتى خايفه ليه
خايفه من ايه ؟
من نبض جواكى انكسر
من حلم  انفطر
خلى الخوف بعيد
لسه النيران بتحرق زمانى
لسه حياتى هى انت
يلى بعدت مشاعرك
لسه حضنك تارك علامه جوه جسمى
لسه صورتك هى اسمى
خايفه ليه ؟
نارك محوطانى
كاويه وجدانى
لو يغيب الامل مرة
الاقى نفسى وخدانى
جوه حضنك ارتمى
ودموعى محصرانى