حطه يا بطه

‎‎الشاعر صابر العربى‎ 

حطه يا بطه يا فلفل شطه
افرح يلا يا شعب وهيص
واركن يلا فى اى محــطه
وشد حزامك بالمتاريـــــــــس
بكره هنخرج من دى الورطة
ونصحا الصبح نلاقى رئيس
حطه يا بطه ورا الكواليس
ملعون فيك ِ كل خسيـــــس
واكتم صـــــوتك واقفل بقك
لو عسكرى فى يوم هيزقك
قوله يا افندم بالدبابــــــيس
..........
حطه يا بطه وبالالـــــــــوان
جوه الشنطة خروف خرمان
وبره الشنطة شريط ترومان
وحبة معاهم شغل باريـــــس
.........
حطه يا بطه يا بنت الايـــــــه
لعبها الصح الواد البيــــــــــه
لعبة صحيح كانت مظـــبوطة
جوه المطبخ بكيسين قـــوطة
اطفح يلا وقول ميرسيــــــس
حطه يا بطه يا فلفل شطه
افرح يلا يا شعب وهيص
واركن يلا فى اى محــطه
وشد حزامك بالمتاريـــــــــس
بكره هنخرج من دى الورطة
ونصحا الصبح نلاقى رئيس