عضو اتحاد كتاب مصر
بقيت في القلب .. لاحبابك
ملاك ..
م العتمة جاب الشمس
و عنها ..
شال هموم الأمس
وبدد دمعها بضحكه
وعلمها .. الغنا والهمس
******
بقيت لعِداك .. كما العفريت
في أيامهم
في أحلامهم
وراهم
حتى قدامهم
حقيقه بقيت
وأوهاومهم
بقيت النار ..سرت في الزيت
******
تثير الرعب ف قلوبهم
وتخلع عنِّهم .. توبهم
وتكشف سر خستهم
و تفسد مكر خطوتهم
وتحرقهم بطرف النور
بنار كانت ف نيتهم
*****
بقيت للدنيا .. فارسها
وقلب .. بعينه حارسها
قلمها بقيت وكرَّاسها
و عبد .. يلبي بإشاره
راجلها بقيت .. وريِّسها
******
بقيت ...؟!
لأ دانت يا آيه
حكايه وقصه وروايه
تعيش السمرا تحيكها
تسلِّمها لجيل ورا جيل
ومنها .. تربي رجاله
********
تربيهم على عزمك
وتغرس في القلوب .. رسمك
وتفضل حلم .. و حقيقه
نسجها النيل ف سِهرَايه
******
بقيت ...؟!
لأ ..
شوف و شوف اسمك
حفرته ف قلب صحيته
على حِسَّكْ
وعلمته يعلّي الصوت
وبأسه ..
يبقى من بأسك
ويبقى انت وتبقى انت
خريطة دمه و عروقه
دليل لطريقه أو آيه
0 تعليقات:
إرسال تعليق