احرق كنايس و جوامع
و موت الازهار و الورد
فيه رب فوق شاهد سامع
و تحت جيش حيجيبك أرض
:::
عاشق بلادي و اولادي
و انت عاشق للكرسي
قتلت فرحة أعيادي
و كل ده علشان مرسي
:::
ايه ذنبها ارض جنينة
و شعب مصر يعيش الكرب
بدئتوا بالقتل ف سينا
و ف الاعتصام أعلنتوا الحرب
:::
اخوان لصهيون و لأبليس
و مصر ولا جت على بالكم
مجانين تكونوا او مالحيس
جرايمكو ظاهرة و باقيالكم
:::
حقارة من بعد ظفارة
و كدب راكب فوق كدبات
حطيتوا طعم ف سنارة
ف بحر ... طلعتلكو خيابات
:::
يا أغبى من صندل مقطوع
يا صورة للغل الأزرق
واقفين هناك ... مفجوع موجوع
و سواد قلوبكو اللي بيحرق
ليست هناك تعليقات:
إرسال تعليق