الليالى بتعدى منى محسهاش
وكل ليلة تروح وتيجى مبنسهاش
كل ليله فيها قصة بلون جديد
ليلة جرح وليلة يبقى الكون سعيد
ليلة دمعه وليلة فرحة من جديد
الليالى موج فى بحر متدركوش
موجة عالية وموجة شايلة ايش وايش
وموجة تحدف ال فيها ع البرور
وموجه ممكن بتلاقيها بألف لون
وموجة تبقى شايلة فى يوم غريق
وموجه صوته يبقى هادى بصوت حزين
وموجه تفجر المراكب والصخور
وموجه ترقص للحبايب ع البرور
وموجه تبقى مثل ليلك فى السواد
سهران فى ليل عمال بيسأل ميت سؤال
ليل الفراق ميتنسيش ويكون حزين
ليل المحبة ع الحبايب يكون طويل
بس ليلى زى موجى كله ضباب
عايش سراب مع ضرب موجه وتروح بعيد
عايش وحيد فى قلب ليل كله ظلام قلبى شريد
ياعاشقين ايه رأيكم فى ليل حزين
يا بحارين رسو المراكب ع البرور
الموج شديد
هى الحريم لو موجها زاد فى ليل سواد أكون غريق
ليست هناك تعليقات:
إرسال تعليق