لملمى توبك يا امىارفعى طرفه شوية
خايف يطوله وريد الدم اللى نازف
معلهش
أنا عارفك بعافية
أنا وكل عشاق ترابك سامع وشايف
عينيكى من كتر البكى المدبوحين
وزاد عليكى دخان الحرايق
وزاد علينا طعم الرصاص بين الضلوع
الكل يا أما مخنوقين
بس وشرف دموعك الغالية
وشرف طهر حزنك المسفوح
عمر الجبان والخسيس واللى خان
واللى طلع بنار الحقد يحرق فى الميدان
واللى استهدف جنودك واولادك ورا الببان
واللى جه من انفاق كنت بتديله منها الحياه
من غير خشى ولا كسوف ولا اعتراف بالعطاء
يرد جمايلك طعنات خسيسة ماتعرف معنى الوفاء
عمر الكلاب الضالة ياأمى ماهاتلقى بين قلوبنا مكان
يالا بهمة وفتوة
همى ارفعى راسك فى قوة
عمر الجبال العالية يا أمى ماتحنى قمتها الديدان
.............
رغم اللى راح
اتمنى ليكى يا امى اجمل واحلى صباح
صباح الحب يهل بالخير يمسح عن قلوبنا ألم الجراح
ليست هناك تعليقات:
إرسال تعليق