رايحه .. فين ؟!

عزة راجح
عضو اتحاد كتاب مصر


رايحه فين يا اجمل بهيه
يااللي علمتِ البريه
قيمة الحب وجماله
والأمانه
والسلامه
و احلى نبضه وابتسامه
ويعني أيه وازاي نعيش
وانت حره
وانت غره
رافعه راسك والجبين
تفردي حلم السنين
تحمي بيتك والعرين 
و الكرامه الانسانيه
تحضني النيل الحنون
تبدُري حَب الزتون
طرحُه يكتبها .. ذكيه
أصل هيه
دي الصبيه
والبهيه
أم كل الدنيا ديه
بصُّوا شوفوا رايحه فين
رايحه تكتب بالإراده
أمه واحده وقلب واحد
فيه .. عذوبه
للعروبه
وللشعوب الاسلاميه