دينا رسمى
السيد الرئيس السابق محمد حسني مبارك .. عايزة احييك على حسن الآداء .. تلاتين سنة جرفت فيها ذوق و عقل و مشاعر و و انسانية و اخلاق المصريين .. علمتنا يبقى شعبولا هو نجم نجوم الغناء .. و يبقى محمد سعد مكان عادل امام .. و توفيق عكاشة مكان سعد زغلول .. تلاتين سنة بتفرقنا و بتكرهنا ف بعض .. بتزرع في عقولنا اننا اعداء جوة وطن واحد .. المسيحيين عندهم اسلحة جوة الكنايس ( خافوا منهم و حاربوهم ) .. الاخوان اعداء الوطن ( خافوا منهم و حاربوهم ) .. السلفيين ارهابيين ( خافوا منهم و حاربوهم ) .. الليبراليين ضد الاسلاميين ( خافوا منهم و حاربوهم ) .. شكرا سيادة الرئيس .. تلاتين سنة بتزرع خوفنا من بعض .. بتزرع تقسيمة الوطن .. نسيت تقولنا انه داخل الوطن الواحد لا هازم ولا مهزوم .. نسيت تقولنا ان مصر تتسع الجميع .. نسيت تقولنا ان تجارب الدول بتعلمنا نتوحد حتى لو اختلفنا ف الافكار و المعتقدات و الرؤى .. نسيت تعلمنا نقبل الرأي الاخر .. نسيت تقولنا ان الاختلاف هو سنة الحياة و هو سنة الخلق من عند الله .. نسيت تقولنا نسمع قبل ان نتكلم .. نسيت تقولنا نتعلم قبل ان نفتي .. أعترف اني كنت من المحدوعين لفترة ليست بقليلة .. و اعترف اني لم اعرف خطاياك الا اثناء الثورة .. و اعترف اني كنت من المساهمين في نشر الفرقة لفترة ليست بقليلة .. اعترف و اطلب عفو الله قبل الناس ..
شكرا سيادة الرئيس .. مصر بعدك لا هم لها الا الكراهية و العداء .. مصر بعدك لا امل فيها الا بجيل جديد لم يتشبع بافكار الفتنة و الانقسام الخفي ..
و اعدك بحياتي الا يكون لك تأثير على ابنائي .. ساعلمهم ان مصر تسع الجميع .. ساعلمهم ان يقبلوا المختلف لأنه هكذا خلقنا الله .. ساعلمهم ان المحبة و التصالح هما السبيل للتعايش و ليس القمع و الخوف .. ساعلمهم ان يتذوقوا الجمال من خلق الله .. سأعلمهم ان يحبوا مصر بمن فيها و ما فيها .. سأعلمهم ان مصر نبنيها معا ........
اخيرا يا سيادة الرئيس السابق .. حسبي الله و نعم الوكيل فيك و في نظامك ..
0 تعليقات:
إرسال تعليق