زى طفلة لما تحلم لما تكبر ايه تكون
وتبقى ايه
دكتورة ممكن
اديبه يمكن
ازاى
وليه
كان حلمنا واحنا صُغار
تجرى السنين
نبقى كُبار
فاتت سنة
ورا سنة
واحنا بنكبر كلنا
ولسه بردو حلمنا
نفضل صغار
لسه فاكرة لما أُمي علمتنى حرف ..آه
بس أُمي كان كلامها مختلف
قالتلى يابنى حرف الالف
يعنى الصلاح والاستقامة فى البُنى
ولا العدالة فى محكمة
عصايا جايز
وسندك..فى يوم ما ضهرك..ينحنىَ
وسيف فى ضهر اللى يجرح عرضنا
ولما وقعت سنتى
عرفت يومها انى كبرت وانى السنين زادت سنة
وسالتها ايه حرف سين
السين دى حتة من السنيين
لو فاتت منك من غيرعمل
ضيعت من ايديك كل الامانى الممكنة
واتعلمت
ويومها سألت
ايه تكون حروف مصرنا
قالتلى أُمى
مــــصــــــر
دى أُمنا حُضن كبير يلمنا
الميم..يابنى بيعلىَ بيها مجدنا
والصاد صبر السنين..ويا الضنى
الــ ر..رايه بلدنا عنوان العزة لمصرنا
وكبرت ياما بعدها
واتعلمت ازاى تكون الخطاوى فى العمل
وابنى واعلى لاجل بلدنا كلنا
دكتور يداوى جراحنا ومهندس يعمر ارضنا...
ليست هناك تعليقات:
إرسال تعليق