آه يا أمي نفسي أرجع
جوا حضنك تاني أعيش
أنسى كل الدنيا أفرح
والهموم ما تهمنيش
عشت طول العمر ادور
غيرحنانك مالتقيش.
عمري كله تحت رجلك
أهديهولك ما يساويش
لما يبكي الجرح يكوي
حضنك انتِ ياما يشفي
نفسي أرجع تاني طفلك
والدموع يمسحها كتفك
النهاردة عايزة اضمك
أبقى تاني حتة منك
والذنوب اللي في حياتي
تتمحي لي بدعوة منك
عايزة منك ياما دعوة
محتاجالك تحضنيني
سمي ياما وانصفيني
هارمي راسي جوا حجرك
تعبي كله داب ف حضنك
مين يطبطب يوم عليا
غير عنيكي الحلوة ديا
بصي ياما كلام في سرك
روحي رهن اشارة منك
أفتحي في القلب بصي
هاتلاقيكي ساكنة جوا
بتجري ياما ويا دمي
مش بخاطري غصب عني
ليست هناك تعليقات:
إرسال تعليق