سيد البالوي
أنا ليكي وعود اخضر
بناديكي وأشواقي بتتمختر
على ضيك ومين زيك
عروش الجنة تتمايل وتتمنى
رضى قلبك يقول كلمة
يا كتمه الآهة عن ناسك
عيون المولى ترعاكي
وعطف الدنيا ف سماكي
ياست الكل دام عزك
وعطر الدنيا من ودك
يا ضحكه فوق جناح الطير
يا وردة جوه قلب الخير
ياهمسه من سكون الأمس
يالمسة من شجون الشمس
يا حضن حنان ومن ارضي
كفوف إحسان طرح قلبي
وف القران آيات تشهد
وصالك سنتي وفرضي
يا شمس بتشتى من دمعي
يا ليلة قدر طال بعدي
وبشتقلك وأنا ملهوف
يبدلني الأمان بالخوف
وألقى حبك العالي
يوشوش جوه وجداني
يا كعبه ونورها بيلالي
عيون الروح محوطاني
ف عمر وكله ليكي اشتاق
ومركب بحره من اشواق
يا ليل سهران بناديكي
يا شعر وحسه أنا ليكي
ليست هناك تعليقات:
إرسال تعليق