مُنولوج
بَحْر الحُبْ
غناء دويتوهو وهي
عُمر ما عُمْنا ولا حَبينا
في بحر الحُب الناس بِتطُّب
طُّب طب طب طب
ولا شدّينا الدَفَّة وادينا
جَبْنا هَواك ومَعاك هنْشِدْ
شِدْ شد شد شد
لوْ مَرْكِبْنا تِهادي سَفينة
راح نِهاديكُم غِنْوة حُبْ
حُبْ حب حب حب
هي
قُلْنا نِعَدِّي البَحْر وادينا
نِغرق حَتى في شِبر ونُصْ
هو
نُصْ نص نص نص
هي
إوعىَ يا واد لو تِلْعَب بينا
دا حْنا مَعاك وعَليك بِنْبُصْ
هو
بُصْ بص بص بص
هي
لو مَرْكِبْنا تِعادي سَفينة
راح نِعاديكوا وقولوا إسْتُوبْ
تُوبْ توب توب توب
.........................
هو
لا ماتخفشي يا روح الروح وتعال
معانا داحنا يا دوب ها نقَذْقَذْ لِب
هي
لِب لب لب لب
هو
ناخْدك ونطير طيران هانسابق الريح
ونقول يا سلام ما طرح ما تْحِب
هي
حِب حب حب حب
..............................
هو
لو مَرْكِبْنا تِهادي سفينة
راح نهاديكم غِنْوة حُب
حٌب حب حب حب
.......................
هي
إحْنا يُوماتي بِنَاكُل شَطَّة
بِنِكْوِي وَجَعْنا وِوَجَع الناس
هو
شَطْ شط شط شط
هي
لِحَدْ ما جَلْنا زُغُطَّة يا أُوسطة
وقُلْنا يا مَيَّة وصُبُّوا الكاس
هو
صُبْ صب صب صب
هي
لو مَرْكِبْنا تِعادي سَفينة
راح نِعاديكوا وقولوا إسْتُوبْ
تُوبْ توب توب توب
............................
هو
إحْنا لِيلاتي بِنَسْهَر سَهْرة
لِحد الفجر نِلِف سِيجار
هي
لِفْ لف لف لف
هو
نِلْعَب لِعْبِة حَظْ خفيفة
جِيوبنا تِنِش وِقول يا هزار
هي
نِشْ نش نش نش
هو
لو مَرْكبنا تهادي سفينة
راح نهاديكم غِنْوة حُبْ
حُب حب حب حب
..........................
هي
عُمْر ما قُلْنا هناكُل دُقَّة
وِجِينا ناكُلها لَجْلِ نْعيش
هو
دُقْ دق دق دق
هي
نِحْلَمْ حَبَّة ونِغْرَقْ حَبِّة
ويلا يا أُوسطة نسُك الشِّيش
هو
سُكْ سك سك سك
هي
لو مَرْكبنا تهادي سفينة
راح نهاديكم غِنْوة حُبْ
حُب حب حب حب
هو وهي
عُمر ما عُمْنا ولا حَبينا
في بحر الحُب الناس بِتطُّب
طُّب طب طب طب
ولا شدّينا الدَفَّة وادينا
جَبْنا هَواك ومَعاك هنْشِدْ
شِدْ شد شد شد
لوْ مَرْكِبْنا تِهادي سَفينة
راح نِهاديكُم غِنْوة حُبْ
حُبْ حب حب حب