كفنوا حلم الصغير في الورق
قبل ما يرفرف جناحه
قبل ما يطير اتحرق
كانت الشنطه في إيده
فيها كراسه وقلم
قال يروح للأبله يرسم
غصن أخضر والعلم
عين بترصد خطوته
كارهه صوته و سكته
في الطريق الغدر طاله
قبل ما يموت ساب سؤاله
مين هيرسم غصن أخصر
في القلوب .. مش ع الورق
سوريا وفلسطين وليبيا والعراق
من أنين المحنه جاي تاني الضياء
أمه واحده و رب واحد
ارفعوا كف الرجاء
واوعوا فينا الحلم يدبل
او يموت
او يتخنق