معظم الرجال (مش عايزة اقول الشرقيين عشان متقولوش انى منطهداكم) منضجوش كفاية عشان يفرقوا بين الشعور اللحظى...وبين الوعد...
يعنى لما يقولك بحبك...دة شعور لحظى...مش معنى كدة انه هايفضل يحبك بعد ماتخلص المكالمة ولا المقابلة...
الكلام دة ينطبق على كل الكلام الحلو اللى بيخر منه بمناسبة ومن غير مناسبة
فاوعى تصدقي انه هايفضل جمبك علطول لان علطول دى تعنى عنده مدة المكالمة
او تصدقي الخيال المشترك لحياة بتجمعكم...هو خياله واسع مش اكتر ودى مش وعود
ولو قالك انه هايتجوزك...ماتدلقيش يانضري وعنيكى تطلع م المفاجاة..ماتصدقيش صدق نيته الا لما يجيب والده ووالدته....ومتؤمنيش انه خلاص الا لما المأذون او عقد الجواز يتكتب...لان معظهم بتجيلهم دوسنتاريا حادة تخليهم مش قادرين يخرجوا م الحمام وبيكنسلوا المشروع
الخلاصة...ماتاخديهمش على محمل الجد بناء على كلام....الكلام فى الحب اوهام