عبير صلاح
الستات عاوزه الحرق طبعا عاوزه الحرق هى بتعمل ايه فى حياتها مهما كانت متعلمه او مثقفه او متحضره تلاقي صوتها طالع و بتجرى ورا عيالها بالشبشب و علطول مكشره و تعبانه و مبهدله ومش طايقه نفسها و بتشاكل دبان وشها ... فراغ بعيد عنك مهي لو مش فاضيه مكنتش هتشتكى لو مش فاضيه مكنتش هتدور فى كل حاجه و تدقق على كل حاجه بس تقول ايه فراغ انما انت يا عين امك طالع روحك ... بس ممكن نسرد شوية تفاصيل بسيطه و مقارنه عادله .. انت بتصحى الصبح تفطر و تجرى على شغلك انما الست المفتريه بتصحى تجهز الفطار و تواصل فى المطبخ للغدا و وقت الفراع بتخرج تتمشى فى الشقه و فى ايدها حتة قماش و الأيد التانيه الشرشوبه و لم بتزهق من ده بتدخل على الاوض ترتب السراير و تلمع المرايات و تنضف الحمامات و بعد ما تخلص ترجع تانى للمطبخ و تقف على الحوض و اول ما تخلص يكون معاد الغدا و تبدأ تجهز أم الغدا و كل واحد ياكل لوحده و ترجع تانى تقف على الحوض و سيادتك بتشرب الشاى فى المكتب او حتى لو شغلتك حرافيه بتاخد راحه بين الشغلانه و التانيه ... تخلصت الغدا و تخلص موال ما بعد الغدا تدخل فى حرب الاولاد الــ بيتشاكل وال عاوز يتكلم و ال عاوز يلعب و على المغرب تبدأ مرحله تانيه خااااالص مرحلة الاستمتاع الحقيقيه بتعب اليوم :( طبعا بتريق لان فى نهاية اليوم بتحس انها معملتش حاجه و كمان بتحس انها عامله زى الشجره وسط قبيلة قرود ... أأه نسيت حاجه مهمه فى وسط زحمة اليوم و مشاغلها دى بتدور على الغايب و بتسأل على الــ مش موجود و بتصحى النايم و بتنيم الصاحى و بتمرض العيان و بتأكل الجعان .... من الاخر اتقى ربنا فى الست الــ فى حياتك سوء كانت زوجتك او امك او اختك ...