الحكاية مش براءه ..

الحكاية مش براءه ..
و لا قاضى ينصف القاتل 
و يقول برئ
و لا حتى ثوره قُمنا بيها
حصدها سيسي
و مسرحية ف محكمه
و عرض سخيف
الحكاية في خوف أتبنى
في ثلاثين سنه
و إحنا بنموت بالبطئ
كل مطالبنا ف حياتنا
إن جنب الحيط نعيش
سكتنا و عشنا ف مهزله
نتيجتها دم و شهدا
قاتلهم ف الأخر برئ
و قاضى جوا محكمه
وياه عصابه و تمثيليه مُحكمه
بينادي ع القاتل و بأعلى صوته 
يقول برئ
علقُنا المشنقه و المتهم 
حر و طليق
بنوا لينا سجن و إحنا روحنا
رامينا روحنا وراء ألف زنزانه حديد
و لا ألف ثوره حترجع حقوقنا
طول مالظلم فى بلدنا طليق
مستحيل عُـــــمر حيرجع
و بعدله يتنصف البرئ..

شاديه ياسين