فى لحظة شوق
ولا تدرى بحروفك
وبالمكتوب
وتشعر إنك التايه
فى أنهار ك ونهارك
وطول ليلك
وقمرك يكون سارح
ولا تدرى بتوهانك
فى فضا واسع
ما ليه شطوط
وشمسك فى السما تلمع
وبشعاعها مكتوبة
حروف الآآآآآآآآآآآآآآآآآآآه
والناس
لا هى سمعاه
ولا شيفاه
أوقات كتير باحلم
وانا مشتاق
أكون عصفور
سابح
فى فضا الخلّاق
وباتمنى أكون ورقه
فى شجرة تـوت طارحه
أضلل
ع اللى مش طايق
حرارة ظلم متمكن
ومعشّش
فى جوف غلبان
واحلم أكون ورده
تملى الكون روايحها
أكون إنسان
منيش طمعان
فى حلم الغير
ولا بسرق شقا التعبان
ولا بنصب شباك الصيد
ف طريق حملان
باحلم أكون إنسان
بإحساسى
عاشق لكل الناس
وفى الآخرة
تلاقى ميزان
وانا فرحان بميزانى
واتمنى أكون
كسبان
...............
بقلم/ احمد عبد العليم الخطيب
0 تعليقات:
إرسال تعليق