اتدلعت شويا عليك

وماله لما اتدلعت شويا عليك 

مش قال المتل

على قد لحافك مد رجليك 

وأنا دلالي فرش نعام وغطا حرير 

وقميص يشف لون الخمر 

بالعقل يطير 

يبقى مرنش ليه خلخالي 

في شقا لياليك

يكسر شغب العتمة ويجري

بعزم الشوق وحنينه إليك

لجل ما يقطف منك لهفة 

في بوسة وضمه 

تخده لسكه غريقه فـ جنه

أبقى أنا حورها وكل نعيمها

وكل أملها إنها تملى وبس عنيك

ــــــــــــــــــــــــــــــــــــــــــــــــــــــ
‫داليا الحسيني‬