رقصة الـــــــــــوروار

شعر الهام شحاتة سالم

ماتيجى نبص _
ع الدنيا
ماتيجى نشوفها_
حاجه تانيه
نشوفها من كذا ناحيه
بشرط أكون
انا الألفه
واقول الكلمه 
مختلفه
ف لازم اكون 
صاحب حرفه
بدون مزيكا
أو زفــــــــــه
وبنوته بتتشاقى
مابين الحضن 
واللفه
وتتلفلف 
فى ميت لفه
وشوقها يطبب الكفه
ف لازم اكون _
أنا الألفه
أغني لكم ترانيمى
وأعزف شوق
بألحانى
م انا فى المبتدى 
عاشقه
عشان ابقى
رسول الحب
واحكىلكم
من الأول
حكايه العشق
والمعشوق
وشوقى يفيض 
بألحانه
يكون الحب شوق _
على شوق
أغنى بالكـــــــورال موال
وبكتب أحلى
من الأزجال
كلام يعلى
كده ويتقـــــــــــال
يهدهد شوق
رياحينى
وينسف بالهـــــــــــــــوى
فى جبــــــــــــــــال
م انا الألفه
وشعرى
يحرك الزلزال
أضيف واكتب
ولو حالى صبح-
مش حــــــــــــــــــــال
هاغنى بشوقى
من تانى
واعيد موال
ورا موال
حكايه
وقلتها بحبى
على المزمار
تدغدغ شوقى 
بالأشعار
انا قصة 
هوى 
ومعشوق
ومهما
الضلمه 
تخنقنى
هاطير
وارقص
كما
......
.......
.......... 
الـــــــــــــوروار