حالفين نعود

بقلمى/ سيد منيرعطيه

حالف يمين الله
وعاهد الله اكون ليكِ
ملعون الحب الف مرة
ملعونه الحياة المرة
طول ما الفراق اكيد
مشوار الحياة بعيد
نمشى خطاوينا
حالفين نعود
بصوت ملاه الخوف
يشق حلمى  الوليد
يا اه عدى وريدى
مهما الليل يطول
تبتعد نار الظنون
ملعون الحب الف مرة
ملعونه الحياة المرة
يا نار البعد ما تقيدى
يا حزن طفى وريدى
اكتب بشوقى وهيامى
حبى مش كلمه صغيره
بكتبها بحروفى
حبى أمل عايش
منقوش على جبينى
يا اه مكتومه ف حشايا
بصرخ ما بيوصل ندايا
يا اه بصرخ بصوت عالى
خلى الحزن بعيد 
داوى جرحى بلمسه ايد
حبيتك حب غيبانى
حبيتك وانتِ نسيانى
حبيتك وفداكِ عينى
دموعى هى عنوانى
طريق حياتى حضنك
نفسى اكون امل تانى
تكبر معاه فرحتى
وتبقى عنوانى
بعدك مش نار بتحرقنى
بعدك نار حضنانى
نار محوطانى
مكتوب عليه أحبك
ويجرحنى اهمالك
مكتوب عليه قربك
واشاركك فى أحزانك
لو يوم تغيبى
بتخاصمنى روحى
أعيش وحيد
كأنى وليد
محتاج حنانك وحضن دافى
يبعدنى بعيد
ملعون الحب ألف مرة
ملعونه الحياة المرة
حبنا مش كلام
ولا حروف بنكتبها
حبنا حياة لابد نعشها