قولتلك في يدي تذكرة السفر خليني أشوف حالي
قولتيلي إياك تبعد بعيد
لا منك خلتيني أسافر
ولا منك وفرتيلي أجيب للعيال هدوم العيد
وأم العيال كرفاني ومش طايقة تبص في وشي من جديد
بتقولي منك لله روح أشوف فيك يوم يا بعيد
بتضيع الفرص وبتضيعنا بدماغك الحديد
قولتلها أنا قريب يا مرتي ماأنش بعيد
بلاش تقسي عليا وخليني أشوف يوم سعيد
قالتلي من وين تيجي السعادة واحنا ع الحميد المجيد
قولتلها ربك رازق وكفاية عويل أنا تعبت آهات و تنهيد
دانتي الست اللي بتدبر وبتوفر وغنولها النشيد
بكرة ولاد بلدي يشدوا الحيل ونـقفوا مع بعض من جديد
ونعملوا مشروع مع بعضينا يكفينا ما نروحش لبعيد
الغربة صعبة وبهدلة بتاخد الصحة و راحة البال
وبيرجع منها الشاب ع اللحد أو يعيش باقي عمره قعيد
بلاش زن ع الودان وسيبيني أسمع صوت بلادي
راح تغني لحنها من جديد
اسمعي ايه بتقول ..أنا سامعها من بعيد
أجري يا بحر النيل معاك رزق الولاد
ربك قادر يلملمنا من البعاد
ونعيش كما كنا سوى إيد في إيد ونحقق الأمجاد
سامع بكانا القمر ربك يعدل الأحوال
تطلع علينا الشمس بتضحك
ونفرح بشروقها على بلادي ... ويفرحوا كل الولاد
ولاد مصر الطيبين السمر العافيين الشداد
اللي لا عمرهم قبلوا يشوفوا دمهم بإيديهم ولا يرصصوا الألحاد
بنحبك حب العشق يا مصر يا بهية يا أم الولاد.
بنحبك حب العشق يا مصر يا بهية يا أم الولاد.
مع أرق تحياتي
هاني سيد أحمد
0 تعليقات:
إرسال تعليق