الصبح ، جاي لنا ، متغنـــدر
لا في إيده ســيف
بس بيـــــؤمر
وكلنا علي طول بنطــــيع
والكون ينــدّي ، بنور – فرحـــان
والعصفورين ،
ياه ، بتهـــــــزّر
ماعندهاش ، أي زهايمـــــر
ع الشباكــين ، بدري
وصـــاحيين
بينادوا ، كل المصــريين
خير ياصبـــاح
كلنا ، ننشــــد
ونقول ، مع الضي ، نغــرّد
ويــــّا الملايين ،
يغور ، ياناس ، حكم المرشد
ولا ، يوم عايزيـــن
بانزل علي الســلـّم ، واطلــع
باشوف بذور
ياما – بتطلـــــع
وأمنيات حلوه ، تفـــرّع
وكيزان ، في صعود
وياما ، رعم ، يتمطــّع
ومافيش أروع
من الغصون ،
تحضن في – ورود
ومن ســــما حاضنــه العصافير
بتقول لنا : ياصباح الخير
بتقول لكل الحب : أوكــــي
والضي شايل ألف بوكيــــــه
وفي إيده فرحــــانه
الأزاهيــــــر ،
أما اللي جاي ، يفتح شبابيك
الله يحميك
الورده قالت : قوم - يحميك .
ياصباح الخيــر .
0 تعليقات:
إرسال تعليق