صباح الخير يا مصر

يسعد صباحك يا مصر
يا ام العامل والفلاح والبيه
صباح الخير على عيونك
يا ام الرجال السمر الشداد
يا نغم جميل يتغنى
بيه كل الولاد
ياللى ما ينزل ليكى جار
فما بالك لو كانو اخوات
تشتد بيكى عزيمتهم
وينسو اللى فات
اه عليكى يا بلد ياللى
بيتولد فيكى احلى
واغلا الرجال
اوعى تنسى فى
يوم ولادك الاحرار
صباح الخير عليكى
يا ام الصغار والكبار
قلبك عود ريحان اخضر
يا ما اتروى بدم الجدعان
يحميكى يا بلدى
من كل طماع جبان
احلف بسماكى يا بلدى
مش هتنازل ياحلوه
عن وجودك
وهتفضلى صبيه
بين الاوطان
الله عليكى يوم العيد
نفرح بنيلك ونلبس الجديد
يجعل ايامك كلها عيد
صباح الخير يا مصر
>>>>>>>>>>>
منى الفؤاد