أسألوا الرمال في سينا

بقلم الشاعر : احمد ابو شرخ 

أسألوا الرمال في سينا ... أنت مروي بدم مين..؟؟؟
أسألوا الزرع اللي فيها 
اللي أنحصد قبل السنين 
أسألوا شجر الزتون 
ليه بيطرح حنضلة 
وصبار لمين 
أسألوا الأم اللي ثكلي
مين زرعها 
وسط سنوات الأنين
أسألوا الطفل الرضيع 
ليه يضيع
ومن نزع منه الحنين
أسألوا شموخ الجبال 
اللي قابعة في قلب سينا 
في الشمال شرق البلاد 
واللي بتمطر ضحايا 
م الولاد 
الجنود المفتولين 
بالسواعد الشداد
اللي ماتوا مضروبين 
واللي راحوا مخطوفين 
اللي واقفين ع الحدود 
واللي راح فرحان لأهله
وقال لهم 
أنا مش ها عود
خلصت مدة خدمتي
مع الجنود 
وخلاص وفيت مهمتي 
علي خير وجه مع الأسود 
وأخذت رخصة مع الشهادة 
بدون قيود 
ها رجع أسلم مخلتي 
لأبن عمي على الحدود
وارجع أعَمَّر في الوطن 
وأشيل جمايله 
الغدر طاله وانقتل 
هو زمايله
كان نفسه يرجع يشتغل 
جوا البلد في أي مينا 
يرفع علم يرمي السلام 
ع الضيوف جوا السفينة
لكنه راح والغدر سلم جثته 
وساب مخلته 
في أرض سينا 
أسألوا الناس اللي خانوا 
الأمانة يوم ما كانوا 
بيحكمونا
اللي نهبوا الخير 
بتاعنا وجوعونا 
اللي فشلوا في إدارتنا 
ولو سكتنا لـ ضيعونا
هو ليه علاج فشلكم 
ترهبونا وتفزعونا 
هو فيه في الدين بتاعكم
يا تحكمونا يا تقتلونا..؟؟؟ !!!
طب مش ها يحصل 
ورئيسكوا في سجنه 
مرمي وبديع أبن اللعينة
السيسي وطني مننا 
ومفوضينه حارس عينا 
لجل منكم ينتقم 
م اللي يعادينا 
شجاع ومصري زينا 
وبأيد أمينة 
والجبال عليكوا ترشد 
اللي ع الأولاد حزينة 
واللي شهدت المجازر 
م الجنوب لـ حد سينا 
اللي كل الرمل فيها 
رواتوه بدم لينا
مصر بكره ها تبقي حرة
منكم وراجعة طاهرة 
وع اللي خانها مش حزينة 
دا اليهود ما شفنا منهم 
اللي شفناه منكوا فينا