ارجوك سيب مخك يشتغل شويه اصاحبي في حاجه غير كل البلوي اللي فيه ... نفضه شويه من الصراصير و من كل اللي حاطط عليه في البيت او في الشارع او في اي حته تانيه ... بطل تستخدم أيدك و لسانك و باقي الحاجات في تخليص تارك مننا و استعملهم كده في عمايل اي ابن لاذينا تاني يا اخي لم الورق اللي حواليك و مش هقولك اقراه لا بلاش دي دلوقتي ... هات مقص و اقعد قصه و عبيه في شرابات قديمه و لونها و بيعها للعيال الصغيره في العيد ... اعمل اي حاجه بس شغل مخك بدل ما انت متشقلب فيه ... احترم ذاتك بجد شويه عشان نعرف نحترمك يا شقي ... خلينا متطمنه من ناحيتك هتكسبني انا و كل البنات اللي رايحين جايين قدامك و يمكن كمان نساعدك في اي اختراع عايز تعمله بدل ما تخلينا بكرهك و بالتالي مالناش شغله غير اننا نقهرك بكل الطرق لاننا قرفانين من عمايلك و من شكلك و كلامك ... فكر شويه كده وانت هتكسب ... احترم صحتك و متهربدهاش معاك هتكسب من وراها دهب لكن طول ما انت بتهينها هتفضل تشحت و اخرك تعجز مرمي علي رصيف مش لاقي تمن اللي بتتعاطاه بعد ما تروح الصحه اللي كنت بتفتري بيها تقلب خلق ا لله عشان تضرب اللي بتضربه ...
لم الهدوم القديمه اللي في البيت و اغسلها و هات شوية صبغه و ارميها عليهم و اكويها و افرش بيها في اي مكان هتلاي اللي يشتريها منك لانها هتبقي غريبه و يمكن تطلع موضه و بفلوسها اشتري هدوم تانيه و بيعها وابدأ عشان تلم قرش يرضيك و يكفيك و يكفي حاجتك فتحس بقيمتك و متبقاش محتاج للهباب اللي بتضربه والا لرمي البلا علي الناس في الشوارع
روح لم الاجهزه المرميه في الزباله و مكسره من الاحياء الراقيه و بيعها لبتوع الخرده هتكسب دهب و ابدأ منها تجارتك ... فكر بس شويه و احترم ذاتك وساعتها غصب عننا هنحترمك ... اللي بتشوفه الناس منكم في الشوارع واقف بينهم وبينكم ... و مانع عنكم ان حد سمد ايده و يساعدكم ... انا قلت اللي عندي اصاحبي ... ولو انت بقي فرق معاك في حاجه الكلام ده ... ابدا بس و الباقي هيحصل لواحده ... كل عيد وانت طيب اشقيق.
0 تعليقات:
إرسال تعليق