غدر جبان

محمد يوسف


أنا ماشى مع زميلى
سلام يا أمى إدعيلى
روح يا إبنى وأنا راضية
يفديك ربنا ويسترك
فى الدنيا والاخرة
وخلى بالك من نفسك
عملتلك حبة ءرائيش
انت واخواتك فى الجيش
بس ايه متأوليش
بس أوعى تنسى الواد مرقص
لا .. يامى متوصينيش
دحنا كلنا اخوات
شربة ميه تروينا
ولقمة واحده تكفينا
ومعايا صبحى م النوبه
والواد سيد الفلاح 
زرع لنا ورده 
نشفها ألبنا يرتاح
بس يا أمى أنا خايف
من الايام تفرقنا
او غدر جبان
بس ساعتها أنا هبقى شهيد
وإخواتى ميسبوش حقى
سافر وهو فى الطريق
عنيه غفلت حبه
شاف فى إيده طفل بريئ
حاطت إديه على إيده 
وبيأوله خدنى معاك
أنا وأمى وإخواتى 
فى حمى ربنا وحماك
ضحك وءله على عينى 
ءله ربنا وياك
ولما وصل المعسكر
سلم على صحابه وضمهم بدراعة
وراح يدور على النوبى 
ومرقص وسيد الفلاح
نشوف بعض بعيونا
ءلوبنا حرها يرتاح
سال عبده وسامى ووليد ورامى
يابنى انت وهو 
اخواتى فين راحوا
وهما كلهم سكتين
قال خلاص راح اسال القائد
راح عليه وحياه 
وءله اخواتى فين راحوا
طبطب على ايده 
وءله هما فى الجنه
عرسان الدم فى اديهم بقى حنه
حط ايده على راسه 
لحظه وشلها اوام
وقال فداكى يابلادى 
أنا وإخواتى ...
وأقسم حقهم مايضيع
واللى غدر بيهم
ملوش مكان بينا
د هفوه ! ولازم تروح فى الريح