الشاعره/ صفاء محمد
يا حزن مستوفى
كل الشروط فى القلب
والقلب ما اخترهاش
والفرح ليه ناسى
عشق الألم قاسى
مرسوم ف كراسى
طبع القلم غشاش
يا حزن مستوفى
كل الشروط فى القلب
والقلب ما اخترهاش
والدمع فوق النول
والصورة مقهورة
عاشق وطن مقتول
كانت هنا صورة
يا حزن ليه قادر
تملانى قهر ...وقهر
وحكايتى م الآخر
مكتوبة فوق السطر
يا حزن ليك آخر
و أنا أخرى فيك موال
والجرح ع الآخر
والقلب فيك رحال
توبى هجر توبى
والدمع مكتوبى
قال الوجع .....دوبى
والحب مش عارف
فيه الامل خايف
عاجز بطعم الجرح
طمعان ف لحظة فرح
يا حزن مستوفى كل الشروك فى القلب
والقلب ما اخترهاش
0 تعليقات:
إرسال تعليق