و مزاجها مش رايق خالص
فِ الأصل هى المَعلَمة
و الكل من بعديها لايص
سمانا بتمطّر زعازيع
و شعارها دايما هَز الوِسط
من غيرها كلنا كدة هنضيع
و الدفع كاش و مفيش بالقِسط
الحلوة تِكره سيرة الفول
مع إن دا فطارنا اليَومى
و اللحم لابيض مش معقول
و هوا مشروعنا القومى
يا حرة قومى ارفعى راسِك
ماجاتلِك اللى تعلّيكى
طعم المرار اللى ف كاسِك
محتاج لشهد يحلّيكى
و الشهد لما يرُش حنان
حياتنا تِصبح بالألوان
و العقل يتحول لجنان
و الكون دا كله فجأة يكِش
و الواطى يِعلا فِ كل مكان
و البحر ما بيرويش عطشان
و ياعينى ع المصري الغلبان
لو كان فِ بيتُه ماعندوش دِش
الشاعرة هناء نوار
0 تعليقات:
إرسال تعليق